قانعا دەگەن تاپشىلىعىن جويۋ ۇشىن اقتاۋ ءىىب جەرگىلىكتى پوليتسيا قىزمەتى جول-پاترۋلدىك پوليتسەيلەرى وبلىستىق قان ورتالىعىنا كەلىپ, جاڭاوزەندە بولعان جول-كولىك وقيعاسى سالدارىنان زارداپ شەككەندەرگە جانە دە وبلىسىمىزداعى قاجەت ەتكەن باسقا ادامدارعا ءوز تاراپىنان ۇلەستەرىن قوسۋدا.
«بيىل 25 قاراشا كۇنى جاڭاوزەن قالاسى تەڭگە كەنتىندە ورىن العان جول-كولىك وقيعاسىندا قازا بولعانداردىڭ تۋىستارى مەن جاقىندارىنا كوڭىل ايتامىز. زارداپ شەككەندەردىڭ تەزىرەك ساۋىعىپ, وتباسىلارىنا ورالۋىنا تىلەكتەستىگىمىزدى بىلدىرەمىز. جەكە قۇرام بولىپ ءوز قاندارىن قاجەت ەتكەن ادامدارعا بەرۋگە نيەت ءبىلدىرىپ كەلدىك», دەيدى اقتاۋ قىىب جپق جپپ باتالونى روتا كومانديرى, پوليتسيا كاپيتانى ەرعالي يسكاكوۆ.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
